*** طيب الله ثــــــراك ***
النادي الملكي للأدب والسلام
*** طيب الله ثــــــراك ***
بقلم الشاعر المتألق: احمد عبد الرحمن صالح
ق:طيب الله ثـــــــــــــــــراك
ك:أحمد عبد الرحمن صالح
▓▓▓▓▓▓▓▓▓▓▓▓▓▓▓
◆
◆
◆
ليه مقـــــولش إنك واحشنى
وانت ســـــــــــاكن جوه منى
وانى طـــــــــــــــولت الغياب
كان مُنايا تكـــــــــــــون معايا
تحمى ضهــــــــــرى م الديابة
م المصــــــــــــــايب والعذاب
كنت ابــــــويا وكنت صاحبى
كنت سندى قبل مـــــا اَحبى
ظنى فيك ولا مــــــــره خاب
عشت راجل طـــــول حياتك
واللى شفته يــــــــوم مماتك
يشفعـــــــــولك فى الحساب
الرجـــــــــولة والشهـــــــــامة
والنزاهــــــــــــــــــــة والامانة
زى مــــــــــــــــــا قال الكتاب
رأس مــــــــــالك كان ولادك
ربنــــــــــــا حقـــــــق مرادك
شبعــــــانين مـــــن أب ساب
سُمعــــــــــــه بــــــاقية طيبة
والامـــــــــــان ليهــــــــم هبة
مستوريــــــــن ورى الف باب
الوفـــــــــــــــــــــاء ويا الكرم
ذكـــــــــــــــــــرى أب محترم
اللـــى باقين م اللــــــى غاب
بـــــس باقــــــــــى فــى قلبنا
لسه عـــــــــــــــــايش وسطنا
مستحيــــل تبقــــــــى سراب
حـــــــــــزننـــــــا عليك هدّنا
قلبى روحـــــــــــــى مش هنا
ربنا يصبر قلوبنــــا ع الغياب
ربنـا يعــــــــــــــوض لصبرك
رحمه واسعــــــه تضم قبرك
يجعـــــــــــــــل المسك تُراب
تحت منك يبقـــــــى فرشك
والغطى مــــن حُسـن عملك
والثرى م المــــــــــولى طاب
◆
كلمات:أحمد عبد الرحمن صالح
توثيق: وفاء بدارنة
ليست هناك تعليقات:
إرسال تعليق