*** دفتر محروق ***
النادي الملكي للأدب والسلام
*** دفتر محروق ***
بقلم الشاعر المتألق: راضي مشيلح
*** دفتر محروق ***
،،،،،،،،،،،،، ،،،،،،،،
كيف ممكن اكتب التنهيد
وكل نهداتي جمر احمر
ونسيان من مده طعمة العيد
ومن خمر حزني دوم عم بسكر
وفجر المحبه كيف بقدر عيد
ومن وين بيعود الغصن اخضر
لا ظل لا سهره ولا مواعيد
ومحروق مثلي صار هالدفتر
بحر الشعر تخمين صار بعيد
وشط الوحي صفّى رمل اصفر
وبحر الحقيقي وقت ما بيريد
عالشط موجاتو عم بتسهر
والمد كل ما يضهر من جديد
بيبوذر الصخرات بالتحديد
و مهما يشد الجزر رح يخسر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلم : راضي مشيلح
توثيق: وفاء بدارنة
ليست هناك تعليقات:
إرسال تعليق