الثلاثاء، 24 يونيو 2025


*** الحب الصادق ***

النادي الملكي للأدب والسلام 

*** الحب الصادق ***

بقلم الشاعر المتألق: خالد جمال 

*** الحب الصادق ***

الحب الصادق سابنا وفارق 

غاب عن عينا ومش موجود


ف ظروف صعبة تاه ف الغربة 

مابقاش ليه ف حياتنا وجود


ضاع ف الغيمة فك الخيمة 

فاتنا وهاجر عدى حدود


سابنا نآسي ويل ومآسي 

بعده تعبنا ف أيام سود


قوللي ازاي هيكونله بقية

ويا زمان مالياه المادية

جوه عيون بالخوف مروية

قلب ما فيه ذرة حنية

روح ف جراح علطول ملهية

نبض بيشكي فيك أو فيا

غاب بقى بينا وبينه سدود


بص يا حب ياريت تسمعني

امسح زعلك فيا طاوعني

وجعك جوه ف قلبي واجعني

برضه شاريك لو كنت بايعني

عارفك لازم يوم هتعود

بقلمي : خالد جمال

 ٢٤/٦/٢٠٢٥

توثيق: وفاء بدارنة 



ليست هناك تعليقات:

إرسال تعليق