. شو ظَل بهالعمر
النادي الملكي للأدب والسلام
. شو ظَل بهالعمر
بقلم الشاعر المتألق: وسام الحرفوش
شو ظَل بهالعمر
( باللهجة المحلية )
مرّيت على بيت الأهل
... تا شِم الدفا
لقيت الدفا متغطّي بحيطانو
... و مِتلحّفا
يا ريت منِرجع مِثل ما كِنا صغار
مخزّقة ثيابنا ... و إجرينا مهتريِّه
... من رَكض الحَفا
شو كِنّا نطير و نِتسابق مع النّحلات
و نرقص مع كل فراشِة
.. حِلوِه منستلطِفا
و نِلعب بالبيادر وقت الحصيدِه
ونروح مشاوير بأراضي
.. كلها منَعرِفا
و بفيِّة شجرة نغمّض عيوننّا
وتحت غمزات القمر ..
.. ياخذنا الغفا
و نِصحى مع العصفور
و شََقشَقة الصبح
و نِسرح مع النسمِات ..
.. والوردات منقطفا
و نرجع ملوّنين بضِحك الوَلدَنِه
نِمسك بشفافنا المحَبِّه ..
و بإيدينا الفرحة منُغرفا
وشو ظَل بهالعمر غير شموع بتِنطِفي ..
وذِكرى من ريحِة طفولِه
منسرُقها بِلَحظة
.. و منخطفا
بقلم : وسام الحرفوش
ليست هناك تعليقات:
إرسال تعليق