ق:عشقت العـزلة والنسيان
النادي الملكي للأدب والسلام
ق:عشقت العـزلة والنسيان
بقلم الشاعر المتألق: احمد عبد الرحمن صالح
ق:عشقت العـزلة والنسيان
ك:أحمد عبد الرحمن صالح
▓▓▓▓▓▓▓▓▓▓▓▓▓
◕
◕
◕
فى ناس الوحـــــــدة ليها عذاب
وأنا وهــــــى أعـــــــــــز أحباب
بحب العــــــــــزلة والضلمـــــــة
وقعــــــدة جميلـة ويــــــا كتاب
يسلينــــــــــــــى وبيفيـــــــدنى
ويحكيلـــــــى عـــــن اللى غاب
مــــن الماضـــــــى وصبح ذكرى
بلاقيهــــــا فى أحلـــــــى عتاب
مـــــــا بين الحلــــــــــم واللهفة
حـوار دايـــــر بشـــــــوق خلاب
▓▓▓▓▓▓▓▓▓▓▓▓▓▓▓
وألف ســـؤال مـــا بيـــن راسى
وبستنـــى يجينــــى جـــــــواب
عـــن اللى عـــــدى مــــن عمرى
وأنا واقف هنــــــــــــاك متساب
فى دنيـــــا غــــــــــريبة تعبتنى
ومش لاقى لقانونهـــــــا أنا باب
مفيش حاجــــــــــــــه هتجبرنى
أكون عايش فى وســـــط عذاب
على اللى عــــــــــــــــدى واتغير
أنـــا جــــــاهـــــز بكشف حساب
▓▓▓▓▓▓▓▓▓▓▓▓▓▓▓
بحب الوحـــــــــــــــــدة والعزلة
عشـــــان بتريــــــــــح الأعصاب
هـــــــــــدوء نفســـــى بيجبرنى
أكون عـايش بــــدون ما اَتصاب
بهــــــــــــــــوس الدنيا وجنونها
وافعــالها فى نــــــــــاس أغراب
بتجـــــــــرى عليهــــــــا تخدمها
وشـــــــــــايفين الحقيقة سراب
وصعب فى يـــــــوم أكون منهم
ضمير ميت فى جســــــم خراب
▓▓▓▓▓▓▓▓▓▓▓▓▓▓▓
وعمرى ما أعيش مـــا بين جهلا
بتتباهى إن همــــــــــــــا كلاب
بتنهش كل صـــــــــــــاحب حق
وتعـــــــــــــوى تملـــــى للكداب
مليش فى الغـــــــــــدر والخسة
ولا عمــرى لحـــــــــــــــد أغتاب
أنا عــــــــــــــــايش على الفطرة
وعمــر الحــــــــــــق فيا ما عاب
رضيت بالوحــــــــــــــدة والعزلة
على إنــــــــــى أعيش كـــــداب
▓▓▓▓▓▓▓▓▓▓▓▓▓▓▓
كلمات:أحمد عبد الرحمن صالح
توثيق: وفاء بدارنة
التدقيق اللغوي: أمل عطية
ليست هناك تعليقات:
إرسال تعليق