***  خاف مولاك.  ***

النادي الملكي للأدب والسلام 

*** خاف مولاك. ***

بقلم الشاعرة المتألقة: حبيبة الحسين توشنت 

***  خاف مولاك.  ***

يا نكار الخير...

مادرتي بوجع الله...

ولا بحق القبر...

تنكرتي للحمك...

ونسيتي العشرة...

خليتي الدم يولي ماء...

والعديان يتشفاو بمرة...

تغربتي سنين وخليتي الدار والمرا...

حيث بالك هاني...

عاي حياتك ثاني...

جبتي تريكة وضرة...

خوك يقول...

الى خويا جمرة...

نشدو بيديا...

ولادو عندي امانة...

فحمايتي والأمان...

بعد سنين رجع الغايب...

وجمع فلوس صحيحة...

على غفلة لاح خوه...

بحال الجيفة...

بحال الى ماعمرو شافو...

الله يرحمك المسكين...

دخلتي قبرك وفقلبك جمرة...

خليتي ولادك فالخلا...

تنكر ليهم خوك...

وشتت شملهم...

مراة خوه ماعقل عليها... 

فالزنقة لاحها...

خرج الكرون وسبق العيب...

مشا لبيت الله...

كلنا ربي غيهديه...

رجع مبدل سمية...

وتعدى حدود الله...

يا عباد الله...

الدنيا غذارة...

مابقات خاوة...

✍️حبيبة الحسين توشنت

توثيق: وفاء بدارنة