*** البحر ***
النادي الملكي للأدب والسلام
*** البحر ***
بقلم الشاعر المتألق: ناصيف شرباجي
*** البحر ***
فضيت البحر من المي
وعبيتو للشط عطور
وحرست الشط بقدر
والقدر بعيون الحور
حتى ان عالبحر نزلتي
يشوف حالو على البحور
بهالة عم بتشعشع نور
وعلى ذمة قاضي التحقيق
أمرنا بتوقيف الموج
حتى ان هب عليك وثار
وجاب لي منك نفحة غار
فيها طفي ولوع النار
بقلبي الحواليكي بيدور،
ويا قلة بخت الما يدور
غيرت بطبعو القوانين
بدلت القسوة باللين
احتجوا علي السهرانين
من فرنسا لحدود الصين
ولما عرفوا انت الحب
دخلوا بحالة استنفار
من اﻵمر حتى المأمور
واصدرنا عفو بمرسوم
حتى صار الكل يعوم
القسمة تساوت بالمقسوم
والظالم مع المظلوم
وكتبنا مواثيق الحب
عالشاري وعلى البياع
وبخر يا مبخر بخور
بقلم : ناصيف شرباجي
توثيق: وفاء بدارنة
ليست هناك تعليقات:
إرسال تعليق