*** مؤلم جدا. ***
رابطة حلم القلم العربي
*** مؤلم جدا ***
بقلم الشاعر المتألق: ناصر عطا محمد
*** مؤلم جدا ***
مؤلم جدا .. إن أشوفك
جوه حياتي صديق كداب
مؤلم جدا .. قلبي يحبك
وانت تخلي حياتي عذاب
مؤلم جدا .. تسهر تحلم
فجأة تلاقي الحلم سراب
تسأل صاحبك .. تسأل ناسك
مش هتلاقي .. معاك أحباب
مؤلم جدا .. جوه الحزن
وعز الضيقة .. مفيش أصحاب
عمرك. ضايع و انت لوحدك
وسط الأهل .. لكن أغراب
ليلك ويلك .. مهما تحاسب
وسط الزحمة ملكش حساب
عشت الغربة جمعت فلوسك
رايح. جاى. ذهاب وإياب
اوعى تصدق ضحك الدنيا
صاحب القرش ملهش عتاب
عيش العمر .. ثانية بثانية
صدق وحب وخير وشباب
طاوع ربك .. ارضي ضميرك
تلقى الدنيا .. شراب عناب
دنيا غرورة ماشية وفانية
بكره حساب و سؤال وجواب
بقلمي .. الشاعرناصرعطامحمد
البلد. مصر
ليست هناك تعليقات:
إرسال تعليق