*** ريحة عزة .***
النادي الملكي للأدب والسلام
*** ريحة عزة .***
بقلم الشاعر المتألق: مهدي خليل البزال
*** ريحة عزة .***
رح آخد من نورَك نتفة
ووزِّعهن بين الأحرار .
وإزرع ورد بأعلى الشّرفة
وسمّيهن ورد الثوار .
كل ما بدك ريحة عزة
قرّب عا إكليل الغار .
كل صبح بفتش عا خيالك
وعم أوقف ساعات قبالك .
رشرش فوقك دمع عيوني
وشمّ الحرية بالدار .
كل ما بدّك ريحة عزة
قرّب عا إكليل الغار .
هوني مطرح دمَّك علَّم
فرّخ زهرة من الأخيار .
احملني يا خيّ عا بيتك
خليني بدارك تذكار .
كل ما بدّك ريحة عزة
قرّب عا إكليل الغار .
كلمات الشاعر مهدي خليل البزال .
ديوان الملائكة .
أنشودة ريحة عزة .
23/11/2023.
توثيق: وفاء بدارنة
ليست هناك تعليقات:
إرسال تعليق